大市昨日彈得比預期中強，諗住24200已經咁上下，但都爆到近24400，彈得咁勁，無非係內地打壓完後又出口術話其實唔係，呢個時候都係唔好理太多，揸住啲股票，擺低左保險費就算。由於美股升，今日升都係正常，如果唔升就有所忌憚，亦反映之前已經彈左太多，其實市場宜家都係睇今晚歐洲個QE有幾多，但市場之前預期太好，無論最後好定壞我都當佢壞消息。
今日都係適宜睇戲，如果升穿到昨日高位，又hold到15分鐘就算唔錯，但唔會即刻買，回D先諗，唔回既，反正揸緊股都無所謂，宜家應該係要打游擊，跌落黎博揸，升上去博沽，隨時仲有著數。